अभिनेता दयाहाङ राई स्टारर नेपाली चलचित्र ‘भैरे’ले आफ्नो गीत रिलिज गरेको छ । शुक्रवार राजधानीमा एक कार्यक्रमका बीच कलाकार र निर्माण टिमको उपस्थितिमा ‘सान्नानीलाई’ बोलको लोकगीत सार्वजनिक गरिएको हो ।
गीतमा अभिनेताहरु विक्रान्त बस्नेत, बुद्धि तामाङ र अभिनेत्री वर्षा शिवाकोटी फिचरिङ्ग छन् । निर्देशक एभरेष्ट सुर्य बोहरा र बसन्त सापकोटाको शब्द रहेको गीतमा बसन्तको संगीत छ । गीतमा यम बराल, बसन्त सापकोटा र मेलिना राईको स्वर रहेको छ ।
कविराज गहतराजको नृत्य निर्देशन रहेको गीतलाई पुरुषोत्तम प्रधानले गीत खिचेका हुन् । निर्देशक बोहराको कथा रहेको फिल्मको निर्मातामा प्रेम प्रसाद पौडेल र देवीमाया अधिकारी छन् ।
https://www.youtube.com/watch?v=8S-BH9uhDPY&feature=youtu.be
करुणाकर घिमिरे, सविता गुरुङ र कुमार बस्नेत फिल्मका सह-निर्मातामा हुन् । स फिल्ममा सुरक्षा पन्त, सुनिल थापा, जान्वी बोहरा, जयनन्द लामा, सुरविर पण्डित, अर्जुन गुरुङ लगायतका कलाकारहरुको पनि अभिनय छ । नेपालय सिनेमा ईन्टरनेशनलद्वारा निर्मित यो फिल्मको प्रदर्शन मिति वर्ष २०७५ को जेठ १८ गतेलाई तय गरिएको छ ।
