साम्राज्ञी राज्यलक्ष्मी शाह तथा धिरज मगर अभिनित प्रेमकथा 'इन्टु मिन्टु लन्डनमा' फिल्मले आफ्नो नयाँ गीत रिलिज गरेको छ।
फिल्मको 'उडायो हावाले' बोलको गीत रिलिज भएको हो। गीतमा हर्कुलस बस्नेत तथा निकहिता थापाको युगल स्वर रहेको छ।
गीतका संगीतकार तथा रचनाकार हर्कुलस नै हुन्। गीतलाई बेलायतमा खिचिएको छ।
असोज ५ मा रिलिज हुने यस फिल्मलाई कोरियोग्राफर रेनेशा बन्तवा राईले निर्देशन गरेकी हुन्। उनको यो निर्देशकिय डेब्यू हो। 'इन्टु मिन्टु लन्डन'मा अभिनेता धिरज मगरको पनि डेब्यू सिनेमा हो।
