भदौ १ गते रिलिज हुने एक्शन फिल्म 'जय शम्भु'को ट्रेलर सार्वजनिक भएको छ ।
आईतवार ट्रेलर सार्वजनिक गरिएको हो । ट्रेलरमा फिल्मका मुख्य कलाकारद्धय प्रशान्त ताम्राकार र अनुपविक्रम शाहीको टकरावलाई देखाइएको छ ।
ट्रेलरमा प्रशान्त र अनुपसँगै वर्षा शिवाकोटी मुख्यरूपमा फिचरिङ छन् । अनुमानित गरिएको समय र बजेट भन्दा निकै गुणा बढि बजेटमा तयार भएको 'जय शम्भु'ले एक्शन लभ स्टोरी कथा भन्छ ।
एक्शनको पार्टबाट फिल्मले केही नयाँपन दिन खोजेको फिल्मका निर्देशक रुपेश तामाङको दाबी छ।
फिल्ममा प्रशान्त, अनुप र बर्षासँगै रोशन महर्जन, करुणा पाण्डे, रश्मी भट्ट, बसन्त भट्ट, राज कुमार थापा, कालु राना आदको मूख्य भुमिका रहेको छ ।
फिल्ममा हरि घले लामाको छायाँकन, श्री श्रेष्ठको एक्शन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य रहेको छ ।
