अनमोल केसी स्टारर फिल्म ‘क्याप्टेन’ को इन्डक्ल्याप भएको छ । फिल्म २ महिनामा 'प्याकअप' भएको हो । मंगलबार फिल्मको सुटिङ सकिएको हो।
फिल्मका निर्देशक दिवाकर भट्टराई हुने भने निर्माता अभिनेता भुवन केसी हुन्।
फिल्मले केहि दिन अगाडी फस्टलुक रिलिज गरेको थियो। फस्ट लुकसँघै रिलिज मिति पनि सार्वजनिक हुने अपेक्षा गरिए पनि सो घोषणा भने भएन।
फिल्ममा भिएफएक्सको प्रयोग धेरै भएकाले भिएफएक्स टिमसँगको सल्लाहपछि मात्र रिलिज मिति टुङ्ग्याउने निर्माण पक्षको योजना रहेको छ।
फिल्ममा अनमोल एक फुटबल खेलाडीको भूमिकामा देखिनेछन्। 'क्यापटरन'मा जिल्ला स्तरिय हुँदै राष्ट्रिय फुटबल टिमको क्याप्टेन भएको एक युवकको संघर्षको कथा फिल्मले प्रस्तुत गर्ने बताइएको छ ।
अनमोल पछिल्लो रिलिज 'क्रृ' हो।
‘क्याप्टेन’ मा अनमोललाई दुई अभिनेत्री उपासना सिंह ठकुरी र प्रियंका एमभीसँग जोडी बाँधिएको छ ।
यस्तै फिल्ममा सुनिल थापा, सरोज खनाल, प्रशान्त ताम्राकार, विल्सन विक्रम राईलगायतका कलाकारहरुको पनि फिल्ममा अभिनय छ । फिल्मको कथा सामिप्यराज तिमल्सिनाले लेखेका हुन् ।
