प्रियंका कार्की तथा आयुष्मान देशराज जोशी स्टारर सिनेमा ‘प्रेम दिवस’ले आफ्नो पहिलो गीत रिलिज गरेको छ । सोमबार सिनेमाले ‘तिम्रो छेउ सरुँकी म’ बोलको गीत रिलिज गरेको हो।
महाराज थापाको शब्द र संगीत रहेको यस गीतलाई गायिका अञ्जु पन्तले गाएकी हुन्।गीतका कोरियोग्राफर कविराज गहतराज हुन्। गीतमा अभिनेत्री प्रियंका फिचरिङ भएकी छन्।
भिडियोमा इलाम सन्दकपुरका लोभलाग्दा दृश्य कैद गरिएको छ ।
प्रियंकाले सिनेमाको यो गीत आफूलाई सबैभन्दा मनपर्ने गीत रहेको बताएकी छन्।
उनले भनिन्, ‘मैले गरेर मनपरेको भनेको होइन, अरुले गरेको भए पनि मलाई मनपर्थ्यो । मैले अचेल प्रायः गुनगुनाउने गीतमा पर्छ यो ।’
योगेश घिमिरेले निर्देशित यो सिनेमा बैशाख १३ मा रिलिज हुनेछ।
सिनेमामा हेमन्त बुढाथोकी, शिव शंकर रिजाल, उत्तम केसी, सञ्जय न्यौपाने, श्रीकृष्ण लुइँटेललगायतका कलाकारहरुको पनि अभिनय रहेको छ। यसै सिनेमाबाट विशाल खरेलले डेब्यु गर्दैछन् । सिनेमाले एक युवतीको दुई युवकसँगको प्रेमकथा भन्नेछ ।
सिनेमामा रोशन श्रेष्ठको द्वन्द्व, बनिष शाह मिलन श्रेष्ठको सम्पादन, मानकृष्ण महर्जनको छायांकन र सत्यम राना अचुत बजगाईको भिएफएक्स छ ।
रमेश चौधरी र उत्सव ढकाल सह-निर्माता रहेको सिनेमालाई कलाकार समेत रहेका सञ्जय न्यौपानेले निर्माण गरेका हुन् ।
