'कबड्डी' फेम रामबाबु गुरूङ निर्देशित ’साइँली’को दोस्रो गीत सार्वजनिक गरिएको छ ।
चैत १५ मा रिलिज हुने सिनेमाको दोश्रो गीत बुधबार सार्वजनिक गरिएको हो।
सार्वजनिक गरिएको 'प्याट प्याटे' बोलको गीतमा सिनेमाका मुख्य कलाकार दयाहाङ राई, गौरव पहाडी, मेनुका प्रधान र केनिपा सिंह फिचर्ड छन् ।
गीतमा सुशान्त गौतमको संगीत, हर्क साउँदको शब्द तथा संगीतकार गौतमको स्वर छ । वैदेशिक रोजगारीको कथामा प्रस्तुत गर्ने सिनेमालाई गायक हेमन्त राना र गौरव पहारीले मिलेर निर्माण गरेका हुन् ।
जिएच इन्टरटेनमेन्टको व्यानरमा निर्माण भएको सिनेमामा माओत्से गुरुङ, केनिपा सिंह, प्रकाश घिमिरे, अरुण कार्की, लगायतका कलाकारको पनि मुख्य भुमिका रहेको छ ।
विशाल गुरुङ र मोहन राना मगरको लगानी रहेको सिनेमामा बिजय अवाले, विकाश पुजास, सुवेच्छा केसी सह निर्माताको रुपमा रहेका छन् ।
सिनेमामा काली प्रसाद बास्कोटा, सुशान्त गौतमको संगीत, शैलेन्द्र डि कार्कीको छायांकन, निमेष श्रेष्ठको सम्पादन रहेको छ ।
