‘जानी नजानी’ सिनेमाको ट्रेलर सार्वजनिक भएको छ । शुक्रबार काठमाडौंमा आयोजीत एक कार्यक्रमका बीच सिनेमाको ट्रेलर सार्वजनिक गरिएको हो ।
सिनेमाले माया, प्रेमसँग देशको राष्ट्रितासँग जोड्ने निर्देशक बसन्त अधिकारीले बताए । यो उनको निर्देशकिय डेब्यू सिनेमा हो।
सिनेमामा मनिष श्रेष्ठ, डेव्यु गर्ल निरिशा बस्नेत, सन्नी सिंह, नम्रता श्रेष्ठ, प्रकाश अधिकारी, कृष्ण भक्त महर्जन, रोशनी केसी लगायतका कलाकारहरु अभिनय रहेको छ ।
रोशनी इन्टरटेनमेन्टको ब्यानरमा निर्माण भएको सिनेमाकी प्रस्तुतकर्ता रोशनी केसी हुन् । ‘जानी नजानी’मा मोदनाथ खनाल र सागर काजी माली निर्माताको रुपमा रहेका छन् ।
सामिप्यराज तिमिल्सेनाको कथा, पटकथा तथा संवाद रहेको सिनेमामा सञ्जय लामाको छायाँकन, अर्जुन पोखरेलको संगीत, कविराज गहतराज , प्रविन सिंह र शिशिर खातीको कोरियोग्राफी, अर्जुन जिसीको सम्पादन रहेको छ ।
सिनेमा चैत १ मा रिलिज हुनेछ।
