‘शुभलभ’को अफिसियल ट्रेलर सार्वजनिक गरिएको छ । चैत १५ मा रिलिज हुने सिनेमाको सोमबार सिनेमाको ट्रेलर सार्वजनिक गरिएको हो ।
सन्तोष बाबु लोहनी निर्देशित सिनेमाबाट युवा ज्योतिष हरिहर अधिकारीले नेपाली रजतपटमा डेब्यू गर्दैछन्। ‘शुभलभ’मा हरिहरले डेब्यू अभिनेत्री कृष्टिन पौडेलसँग रोमान्स गर्नेछन् ।
‘शुभलभ’मा हरिहर अधिकारी र कृष्टिन पौडेलको अलवा सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बास्तोल, डाक्टर सुर्या थापा, अनुज पाण्डे लगायतका कलाकारको मुख्य भुमिका रहेको छ ।
सिनेमामा हरिहर अधिकारीको कथा, अभिमन्यु निरवीको पटकथा तथा संवाद, अर्जुन पोखरेलको संगीत, कोरियोग्राफी रामजी लामिछाने, रामेश्वर कार्कीको छायाँकन, रोशन विक्रम भट्टराईको द्धन्द्व, बनिष शाह र भुपेन्द्र अधिकारीको सम्पादन रहेको छ ।
बुद्ध इन्टरटेनमेन्टको ब्यानरमा निर्माण भएको सिनेमाका प्रस्तुतकर्ता श्री प्रदीप कुमार उदय हुन् ।
