‘शुभ लभ’को दोस्रो गीत सार्वजनिक गरिएको छ । सिनेमाको ‘टुक्रियो एउटा सपना’ बोलको गीत सार्वजनिक गरिएको हो।
सार्वजनिक गीतमा विशाल निरौलाको शब्द, संगीत तथा स्वर रहेको छ । सार्वजनिक गीतलाई रामजी लामिछानेले कोरियोग्राफी गरेका हुन् ।
गीतमा सिनेमाका मूख्य कलाकार हरिहर अधिकारी तथा क्रिष्टिन जोशी फिचर्ड छन्।
प्रेमी र प्रेमीकावीच आउने उतार चढावको कथा सिनेमाले पेश गर्छ । सिनेमा चैत १५ मा रिलिज हुँदैछ।
सिनेमालाई पुराना निर्माता तथा निर्देशक सन्तोष बाबु लोहनीले निर्देशन गरेका हुन् । ‘शुभलभ’मा हरिहर र कृष्टिनका अलवा सरोज खनाल, राजाराम पौडेल, राजा राजेन्द्र पोखरेल,रविन्द्र झा, प्रदीप बास्तोल, डाक्टर सुर्या थापा, अनुज पाण्डे लगायतका कलाकारको मुख्य भुमिका रहेको छ ।
सिनेमामा हरिहर अधिकारीको कथा, अभिमन्यु निरवीको पटकथा तथा संवाद, अर्जुन पोखरेलको संगीत, कोरियोग्राफी रामजी लामिछाने, रामेश्वर कार्कीको छायाँकन, रोशन विक्रम भट्टराईको द्धन्द्व, बनिष शाह र भुपेन्द्र अधिकारीको सम्पादन रहेको छ ।
