‘प्रेम दिवस’ सिनेमाले आफ्नो पूर्वनिर्धारित रिलिज मितिमा हेरफेर गरेको छ।
पहिले जेष्ठ ३ लाई रिलिज मिति तोकेको सिनेमाले सोही मितिमा 'वीर विक्रम २' रिलिज हुनेभएपछि सम्भावित भिडन्तबाट बच्न रिलिज मितिलाई जेठ १७ मा पुर्याएको छ। साथै दुबै सिनेमाको वितरण कम्पनी एउटै परेपछि वितरकसँगको सल्लाहमा पनि रिलिज मिति सारेको बताइएको छ।
प्रियंका कार्कीले आफ्ना प्रेमी आयुष्मान देशराज श्रेष्ठ जोशीसँग अनस्क्रिन रोमान्स गरेको सिनेमामा निर्देशक योगेश घिमिरे हुन्।
रिलिज मिति हेरफेरमा वितरण कम्पनी एफडीका प्रमुख सुशिल पोखरेलले सुबै सिनेमा आशातित भएकाले आपसी सहमतीमा रिलिज डेट तय गरिएको पोखरेलले बताए ।
प्रेम दिवस’मा प्रियंका तथा आयुष्मानका अलावा डेब्यु अभिनेता विशाल खरेलको मुख्य भूमिका रहेको छ । त्रिकोणात्मक प्रेमकथामा उनीहरूका अलावा सिनेमामा हेमन्त बुढाथोकी, शिव शंकर रिजाल, उत्तम केसी, सञ्जय न्यौपाने, श्रीकृष्ण लुइँटेल लगायतका कलाकारहरुको पनि अभिनय रहेको छ ।
सांगीतक प्रेमकथाका निर्माण भएको सिनेकाको कथा प्रदीप भारद्धाजले लेखेका हुन् । रोशन श्रेष्ठको द्वन्द्व रहेको सिनेमामा मानकृष्ण महर्जनको छायांकन, महाराज थापा, अर्जुन पोखरेल र करण सिंह कार्कीको संगीत, बनिष शाह र मिलन श्रेष्ठको सम्पादन रहेको छ । मनिष दाहाल निर्माता रहेको सिनेमामा रमेश चौधरी र उत्सव ढकाल सह-निर्माताको रुपमा रहेका छन् ।
