‘दाल भात तरकारी’को शीर्ष गीत रिलिज भएको छ। शुक्रबार काठमाडौंमा एक कार्यक्रम गर्दै गीत रिलिज गरिएको हो ।
सार्वजनिक गीतमा वरिष्ठ संगीतकार शम्भुजित बास्कोटाको संगीत, हरिवंश आचार्यको शब्द तथा राजेश पायल राई र स्मिता दाहालको स्वर छ । प्रविन सिंह गीतका कोरियोग्राफर हुन्।
गीत रिलिजसँगै 'दाल भात तरकारी'ले आफ्नो पूर्व निर्धारित रिलिज मिति पनि परिवर्तन गरेको छ। यसअघि वैशाक १३ मा रिलिज हुने घोषणा भएको सिनेमामा एक साता पर सरेको छ। वैशाख २० लाई सिनेमाको नयाँ रिलिज मिति तोकिएको छ।
कार्यक्रममा निर्माता किरण केसीले प्राविधिक कारणले सिनेमाको रिलिज एक साता पर सारिएको बताए। सो पूर्व निर्धारित मितिमा हलिउड फ्रान्चाइज 'एभेन्जर:इन्डगेम' रिलिज भएपछि सम्भावित शो कटौतीलाई लिएर निर्माण टोलीले रिलिज मिति सारेको अनुमान गरिएको छ।
सो अनुमान गरिएपनि कार्यक्रममा निरमाता केसीले त्यसलाई स्वीकार गरेनन्।
केसीले यसलाई सवै हल्ला मात्रै भएको बताए।
'हामीले कुनै पनि सिनेमाको डरले प्रदर्शन मिती पछि सारेका होइनौं । आफ्नै काम नसकिएकाले मात्रै हामीले सिनेमाको प्रदर्शन मिती हेरफेर गरेका हौं', उनले भने।
सिनेमामा हरिवंश आचार्यको कथा, पटकथा तथा सम्वाद रहेको छ। किरणका छोरा सुदन केसीले निर्देशन गरेका हुन् ।
