यो वर्षको बहुप्रतिक्षीत सिनेमा ‘ए मेरो हजुर ३’को ट्रेलर सार्वजनिक गरिएको छ ।
सिनेमाको सार्वजनिक ट्रेलरमा मुख्य कलाकार अनमोल केसी र डेव्यु नायिका सुहाना थापाको केमेष्ट्रीलाई देखाइएको छ ।
सिनेमाले स्टार र फ्यानविचको सांगीतिक प्रेमकथा भन्छ। झरना थापा सिनेमाकी निर्देशक हुन्।
यही सिनेमाबाट निर्माता सुनिल कुमार थापा र निर्देशक तथा अभिनेत्री झरना थापाले छोरी सुहाना थापालाई नेपाली सिनेमा क्षेत्रमा डेव्यु गराउँदै छन् ।
‘ए मेरो हजुर ३’ चैत्र २९ गतेबाट नेपालभर रिलिज हुँदैछ ।
सुहाना इन्टरटेनमेन्टको व्यानरमा निर्माण भएको सिनेमामा अनमोल र सुहानाका अलवा अपर्ण थापा, सलोन बस्नेत, रविन्द्र झा, सरोज खनाल, विशाल पहाडी, रेयर राई, रुपा घिसिङ, रक्षा गौतम लगायतका कलाकारको पनि अभिनय रहेको छ ।
सिनेमामा झरना थापा र सुमन पौडेलको कथा, छेतेन गुरुङ, प्रतिक पौडेल, बाबुराम दाहाल र सुमन पौडेको पटकथा तथा संवाद, सञ्जय लामाको छायांकन, कविराज गहतराज, प्रविन सिंह, राहुल शाह र रामजी लामिछानेको कोरियोग्राफी, हिमाल केसीको द्धन्द्व, दिर्घ खड्काको सम्पादन रहेको छ ।
