नेपाली आधुनिक सुगम संगीतका बादशाह चर्चित गायक तथा संगीतकार शिव परियारको स्वर रहेको सुपरहिट गीत ‘आँशुको अर्थ’को भाग २ ‘आँशुको अर्थ २ - 'मेरो भागको खुशी तिमीलाई मिलोस'को भिडियो सार्वजनिक भएको छ ।
'आँशुको अर्थ'लाई युट्युबमा करिब एक करोड १६ लाख पटक हेरी सकिएको छ ।
‘आँशुको अर्थ’गीतलाई दर्शक तथा स्रोता निकै मन पराए पछि शिव परियारको स्वर तथा संगीतमा आँशुको अर्थ २ - 'मेरो भागको खुशी तिमीलाई मिलोस'को भिडियो सार्वजनिक गरिएको हो ।यस गीतलाई रवि अधिकारीले लेखेका हुन्।
गीतको भिडियोमा नायक तथा मोडल सन्नी सिंह र नायिका तथा मोडल ज्योत्सना योगीको अभिनय रहेको छ । यस भिडियोलाई चर्चित म्युजिक निर्देशक निकेश खड्काको निर्देशन गरेका हुन् । बुद्ध थापा को छायांकन र धमला बिकाशको सम्पादन रहेको छ।
गायक शिव परियारले आफ्नै युट्युब च्यानल बाट सार्वजनिक गरेको यस गीतलाई उनले बजारमा आउन लागेको आफ्नो एघारौं सांगीतिक संग्रह ‘शिवालय’ मा समावेश गरेका छन्।
