दोस्रो नेपाल आइडल तथा गायक रवि ओड आफ्नो पहिलो गीत ल्याएका छन्।
उनले ‘मिठो बोलीले..’बोलको गीतको भिडियो शुक्रबार यूट्युबमार्फत सार्वजनिक गरेका हुन्।
हरि लम्सालको संगीत र संयोजन रहेको गीतलाई कृष्ण केसीले लेखेका हुन्।
गीतको भिडियोमा शिव बिकेको कोरियोग्राफी तथा निर्देशन रहेको छ। भिडियोमा अभिनेत्री एलिशा राई तथा गायक रवि ओड नै फिचर्ड छन्।
सुप्रिम पराजुलीले भिडियो सम्पादन गरेका हुन् भने रामेश्वर कार्की छायाँकार हुन्।
भक्तपुर दरबार स्क्यायरमा छायांकन गरिएको भिडियोमा करिब ६० जना कोरस कलाकारले सामूहिक नृत्य गरेका छन्।
