आयुष्मान देशराज जोशी र शिल्पा मास्के स्टारर सिनेमा ‘सानो मन’को पहिलो गीत रिलिज भएको छ ।
कल्याण सिंह र रोमन बज्राचार्यको संगीत रहेको ‘रानो कम्मर” गीतमा रवी मल्ल र रोमज बज्राचार्यको शब्द तथा रोमन बज्राचार्य, सिम्मा गुरुङ र सुयोग गुरुङको स्वर छ । सार्वजनिक गीतमा भिडियोलाई साजन सिंहले कोरियोग्राफी गरेका हुन् ।
सुयोग गुरुङको निर्देशनमा निर्माण भएको सिनेमाको सार्वजनिक गीतमा मुख्य पात्र आयुष्मान र शिल्पालगायत अन्य कलाकारलाई फिचर्ड गरिएको छ ।
‘सानो मन’ असार २० गते रिलिज हुनेछ ।निर्माण पक्षले गीत ३० लाखको बजेटमा तयार गरेको दाबी गरेको छ।
सिनेमाको कथा समिर सुनवार र निर्देशक गुरुङले लेखेका हुन् । काठमाडौं, भैरहवा, हङकङ र मकाउमा छायांकन भएको यस सिनेमाका निर्माताहरू योगेश गुरुङ, राजीव श्रेष्ठ, रमेश के. मित्तल र राजेन्द्र मानन्धर हुन् ।
‘सानो मन’ म्युजिकल लभस्टोरी जनरामा निर्माण भएको निर्देशक गुरुङले बताए । सिनेमालाई आलोक शुक्लाले छायांकन गरेका हुन् ।
ओ.पि.जी फिल्मस्, ए प्लस इन्टरटेन्मेन्ट र हाई टेक इन्टरटेन्मेन्टको संयुक्त ब्यानरमा सानो मन निर्माण भएको हो । सिनेमाको सम्पादन सुयोग गुरुङ र मिलन श्रेष्ठले मिलेर गरिरहेका छन् ।
सिनेमामा आयुष्मान र शिल्पाका अलवा गौरी मल्ल, रश्मी भट्ट, विशाल पहाडी, शिशिर बाङ्देल, सक्षक कृष्ण सुवेदी, कृष्ण भक्त महर्जन, लक्ष्मी भुषाल लगायतका कलाकारको पनि अभिनय रहेको छ ।
