सुपरहिट 'कबड्डी'को तेश्रो श्रृखंला ‘कबड्डी कबड्डी कबड्डी’को औपचारिक घोषणा गरिएको छ । सोमबार राजधानीमा एक कार्यक्रमका बीच सिनेमाको घोषणा गरिएको हो ।
यस सिक्वललाई रामबाबु गुरूङ्ले नै निर्देशन गर्नेछन्।
सिनेमाको मुख्य कलाकारमा दयाहाङ राई, रिश्मा गुरुङ, उपासना सिंह ठकुरी, कर्मा शाक्य, माओत्से गुरुङ, पुष्कर गुरुङ, कविता आले, विल्सन बिक्रम राई, बुद्दि तामाङ, लुनिभा तुलाधर, विजय बराल आदिको अभिनय रहनेछ।
स्वजातिय विवाह र अन्तरजातीय प्रेम सम्वन्धको अन्तरद्वन्द रहने सिनेमामा कमलमणि नेपाल, अरुणा कार्की पोखरेल, राजन खतिवडा, मणि के राई, डि.बि गुरुङ, राजेन्द्र थापालगायतले पनि अभिनय गर्नेछन्।
सिनेमा जेठ ५ देखि फ्लोरमा जानेछ। सिनेमामा शैलेन्द्र ध्वज कार्कीको छायाँकन, निमेष श्रेष्ठको सम्पादनर रोहित शाक्यको पार्श्वसंगीत रहनेछ ।
