नेपाली सिनेमाकी प्रथम अभिनेत्री भूवन चन्दको निर्माण डेब्यू 'साईनो'को पूर्व निर्धारित रिलिज मिति सरेको छ।
यसअघि जेठ १० गतेलाई रिलिज मिति तोकिएको सिनेमा अब साउन २४ मा रिलिज हुनेछ ।
डबिङ, कलरिङ, मिक्सिङ लगायतका प्राविधिक काम नसकिएकाले सिनेमाको प्रदर्शन मिति २ महिना पछि सारिएको जानकारी निर्देशक रमेश थापाले दिएका छन् ।
'साईनो'मा नीता ढुंगाना, मिरुना मगर र राजकुमारका अलवा भुवन थापा चन्द, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई लगायतका अन्य कलाकारहरुको अभिनय छ ।
सिनेमाको 'मायालाई जात्रैमा भेटियो' बोलको गीत रिलिज भइसकेको छ । निर्मात्री चन्दले सिनेमाको अर्को नयाँ गीत चाँडै नै दर्शकमाझ ल्याउने तयारी गरिरहेको बताएकी छिन्।
शरण थापा कार्यकारी निर्माता रहेको सिनेमामा रामेश्वर कार्कीको छायांकन, रामजी लामिछानेको कोरियोग्राफी, बनिश शाहको सम्पादन छ । सिनेकमलाई ब्यांकेटस् इन्टरटेनमेन्टले नेपालभर वितरणको जिम्मा लिएको छ ।
