अभिनेता अर्पण थापा निर्देशित हरर सिनेमा ‘घर’को अफिसियल ट्रेलर सार्वननिक भएको छ । सार्वजनिक ट्रेलरले सिनेमा आत्मा र मान्छेबीचको कथामा आधारित भएको देखाएको छ।
साउन ३ गते रिलिज हुने सिनेमामा थापासहित सुरक्षा पन्त तथा वेनिशा हमालको मूख्य भूमिका रहेको छ।
यसैगरी सिनेमामा अस्मिता खनाल, सरोज अर्याल, सृष्टि महर्जन, विकास खनाल लगायतका कलाकारको पनि अभिनय रहेको छ ।
सिनेमामा सुरक्षा र निर्देशक थापाले पति-पत्नीको भूमिका निर्वाह गरेका छन् डिएस डिजिटल प्रालीको व्यानरमा निर्माण गरिएको सिनेमाकी प्रस्तुतकर्ता शर्मिला पाण्डे हुन् ।
सिनेमालाई निर्देशक दिपेन्द्र के खनाल र अभिनेता सुरज पाण्डेले मिलेर निर्माण गरेका हुन् ।
श्रीकृष्ण श्रेष्ठ र मनोज श्रेष्ठले भिएफएक्स गरेको सिनेमालाई मिलन श्रेष्ठले सम्पादन गरेका हुन् ।
