पुष्प खड्का र साम्राज्ञी राज्य लक्ष्मी शाह स्टारर सिनेमा ‘मारुनी’को पहिलो गीत सार्वजनिक भएको छ ।
मंगलबार राजधानीमा आयोजीत एक कार्यक्रममा सिनेमामा समाविष्ट ‘जाम न माया जाम’ बोलको गीत सार्वजनिक गरिएको हो।
गीतमा दिपक बज्रार्चायको संगीत तथा स्वर रहेको छ । गीतका रचनाकार भने रिक्की शाक्य हुन्।
उनले एक दशकपछि उनले सिनेमाका लागि गीत गाएका हुन् । उनले पहिलो पटक 'बेइमानी' सिनेमाका लागि पार्श्व गायन गरेका थिए।
सार्वजनिक गीतमा एक सय बढि कोरसको साथमा मुख्य कलाकार पुष्प खड्का र साम्राज्ञी राज्य लक्ष्मी शाहलाई फिचर्ड गरिएको छन् । यस गीतका कोरियोग्राफर प्रविन सिंह हुन्।
नवल नेपाल निर्देशित सिनेमामा पुष्पल र साम्राज्ञीका अलावा जेविका गुरूङ, आयुष प्रधान, अर्जुन श्रेष्ठ, शंकर सेढाईं, बिनोद भट्टराई तथा सुशिल क्षेत्रीको मूख्य अभिनय रहेको छ।
