बलिउड अभिनेत्री तथा आइटम गर्ल सन्नी लियोनी नाचेको नेपाली सिनेमा 'पासवर्ड'को गीत रिलिज भएको छ।
सिनेमामा समाविष्ट ‘आजको साम’ बोलको गीत बिहिबार रिलिज गरिएको हो।
अर्जुन पोखरेलको संगीतमा तयार भएको गीतमा दुर्गा खरेलको स्वर रहेको छ। विक्रम जोशीले लेखेको यस गीतमा विष्णूदेवाको कोरियोग्राफी रहेको छ।
सम्राट बस्नेत सिनेमाका निर्देशक हुन्। सिनेमामा सन्नीसँगै अनुपबिक्रम शाही, विक्रम जोशी, बुद्दि तामाङ, रविन्द्र झा, प्रविण खतिवडा, धिरेन शाक्य, परी राणा, विक्रम बस्नेत, लिजा सुनार, छुल्ठिम गुरुङ लगायतको अभिनय छ ।
एबी इन्टरनेशनलको ब्यानरमा निर्माण भएको सिनेमालाई हिरल जोशी र अमित बस्नेतले मिलेर निर्माण गरेका हुन् । अकिंत गौतम कार्यकारी निर्माता रहेको सिनेमामा अजित के थापा सहनिर्माताको रुपमा रहेका छन् ।
एक्सन, कमेडी, थ्रिलर जनरामा निर्माण भएको सिनेमालाई सौरभ लामाले छायाँकन गरेका हुन् ।
सिनेमा भदौ २७ मा रिलिज हुनेछ।
