'प्रेमगीत ३' मूख्य पुरूष कलाकारको टुङ्गो लागेको छ। सिनेमाका प्रमूख पुरूष कलाकारमा राजेश हमाल, प्रदिप खड्का तथा मनिष राउत तय भएका छन्।
मनिष सिनेमाका डेब्यू अभिनेता हुन्। मूख्य पुरूष अभिनेताहरू टुंग्याएको 'प्रेम गीत' निर्माण पक्षले डेब्यू अभिनेता मनिषको सिनेमाको लुक पनि सार्वजनिक गरेको छ।
सिनेमामा अभिनय गर्ने महिला कलाकारको भने छनौट गर्न बाँकी रहेको छ। सिनेमाको मूख्य अभिनेत्रीका लागि करिब २५ युवतीको अडिसन लिइएको थियो जसमधये ६ युवतीलाई अन्तिम स्पर्धाका लागि छनौट गरेको छ।
सिनेमामा प्रदिप र मनिष दाजुभाइको भूमिकामा देखिनेछन् भने राजेश हमालले उनीहरूको बाबु भूमिका गर्नेछन्।
छायाँकनमा नगएपनि सिनेमाले चैत २८ लाई आफ्नो रिलिज मिति तोकेको छ।
सिनेमाको कथा छेतेन गुरूङ र मन्दिप गौतमले लेखेका हुन्। दशैपछि छायाँकानमा जाने बताइएको सिनेमालाई छेतेनले निर्मात सन्तोष सेनसँग मिलेर संयूक्तरूपमा निर्देशन गर्नेछन्।
सिनेमाले २०० वर्ष अघि परिवेशमा प्रेमकथा पस्किने बताइएको छ।
