असार १३ गतेको रिलिज मिति नजिकिदैं गर्दा दयाहाङ राई स्टारर सिनेमा ‘आप्पा’को नयाँ गीत रिलिज भएको छ।
सिनेमाको 'साउने झरी' बोलको गीत सार्वजनिक भएको हो। सार्वजनिक भएको गीतले बाबु-छोरो रोमान्स र यात्राको कथा भन्छ ।
आइतबार रिलिज भएको यस गीतको भिडियोमा मुख्य कलाकार दयाहाङ राई र बाल कलाकार रोनीत सरकारलाई देख्न सकिन्छ।
उमेश उपमाले लेखेको गीतमा निर्देशक अनमोल गुरुङ र शैकातको संगीत रहेको छ भने गीतलाई विज्ञमा बराईलीले गाएका हुन्।
अनमोल गुरुङ सिनेमाका निर्देशक हुन् ।
सिनेमामा दयाहाङ राई, सिद्धान्त राज तामाङ र अल्लोना काबो लेप्चाका अलवा वरिष्ठ निर्देशक तथा निर्माता तुलसी घिमिरे, अरुणा कार्की लगायतका कलाकारको समेत मुख्य भुमिका रहेको छ ।
