नेपाली सिनेमाकी प्रथम नायिका भुवन चन्द थापाको निर्माण डेब्यू ‘साइनो’को दोस्रो गीत रिलिज भएको छ ।
सिनेमाको ‘कुन मायाको साइनो’ बोलको गीतको लिरिकल भिडियो रिलिज भएको हो।
गीतमा नीता ढुंगाना, मीरुना मगर र राज कुमारलाई फिचर्ड गरिएको छ ।
गीतका संगीतकार एलिश कार्की हुन्। प्रताप दास र जीना रसाइलीको स्वर रहेको गीतलाई राजेशकुमार श्रेष्ठले लेखेका हुन्।
रामजी लामिछाने गीतका कोरियोग्राफर हुन् ।
साउन २४ गते रिलिज हुने सिनेमामा नीता, मिरुना र राजसँगै नेपालकै भुवन चन्द थापा, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई, शिखा मल्ल, बिशाल पहाडी, भिमसेन लामा, धर्मेन्द्र आचार्य, रामेश्वर बुर्लाकोटी, बसुकला मैनालीलगायतका कलाकारको अभिनय छ ।
अभिमन्यु निरवी लिखित सिनेमाको कार्यकारी निर्माता शरण थापा हुन् । सिनेमालाई रमेश थापाले निर्देशन गरेका हुन्।
