साम्राज्ञी राज्यलक्ष्मी शाह स्टारर ‘रातो टिका निधारमा’को छायाँकन सकिएको छ ।
दशैंमा रिलिज हुने बताइएको सिनेमा २९ दिनमा प्याकअप भएको हो। सिनेमाको काठमाडौं तथा झापामा छायाँकन गरिएको हो।
सिनेमालाई अशोक शर्माले निर्देशन गरेका हुन्। यसै सिनेमाबाट शर्माले आफ्ना छोरा अंकित शर्मालाई नेपाली रजतपटमा डेब्यू गराउँदैछन्।
निर्देशक शर्माले केहि सातामा सिनेमाको शीर्ष गीत सार्वजनिक गर्ने बताएका छन्।
साम्राज्ञी र अंकितका अलावा नीता ढुंगाना, रविन्द्र झा, बुद्दि तामाङ, खुश्बु खड्का, बसुन्धरा भुषाल, लक्ष्मी गिरी, अरुणा कार्की, राजाराम पौडेल, शिवहरि पौडेल, जयनन्द लामा, अर्जुन श्रेष्ठलगायतको पनि अभिनय अभिनय छ ।
सिनेमामा शम्भुजित बाँस्कोटा/कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन, राजेश शाहको भिएफएक्स छ ।
