फिल्म ‘सानो मन’ को शीर्ष गीत रिलिज भएको छ।
सुयोग सोताङ्गको संगीत रहेको छ भने रोहित जोन क्षेत्रीको स्वर तथा स्वप्निल शर्माको शब्द रहेको छ ।
यस अघि फिल्मको ‘रानु कम्मर’ बोलको गीत रिलिज भैसकेको छ । फिल्मका निर्देशक सुयोग गुरुङ्गले गीत फिल्मको कथासँग नजिक रहेको बताए ।
युवा युवतीबीच नौलो प्रेम हुँदाको क्षणहरु झल्किने यो गीत युवा युवतीको वास्तविकताको नजिक रहेको उनको भनाई छ ।
सुयोग गुरुङको डेब्यू निर्देशनमा निर्माण भएको यस फिल्ममा आयुष्मान देशराज जोशी, शिल्पा मास्के, सक्षम सुवेदी, गौरी मल्ल, विशाल पहारी, शिशिर वाङदेल, रश्मी भट्ट, देव कुमार श्रेष्ठ लगायतका कलाकारहरुको पनि यसमा अभिनय छ ।
सिनेमा असार २० गते रिलिज हुँदैछ।
