‘म यस्तो गीत गाउँछु २’ बाट पूजा शर्मा र पल शाहको जोडी सिनेमाको पर्दामा पुनः आउने भएको छ।
मंगलबार मनकामना मन्दिरमा सिनेमाको शुभ-मुहूर्त गर्दै सिनेमामा यो जोडी दोहोरिन लागेको सार्वजनिक भएको हो।
२ वर्ष अगाडी आफ्नो जन्मदिनमा निर्देशक सुदर्शन थापाले यो सिनेमाको सिक्वल बनाउने घोषणा गरेका थिए ।
आफ्नो निर्देशनमा तयार भएको 'सम्हालिन्छ कहिले मन'को रिलिजको तयारीमा रहेका थापाले दुई साता अगाडि सिनेमाको सिक्वलको घोषणा गरेका थिए।
सिनेमाका लागि पूजा र पल तय भएपनि विस्तृत कास्ट र क्रुको भने सार्वजनिक भएको छैन। सिनेमामा सौरभ लामो छायाँकन तथा अर्जुन पोखरेलको संगीत रहने भने तय भएको छ।
दशैंपछि फ्लोरमा जाने सिनेमा फागुन २३ मा रिलिज हुनेछ। सिनेमाले पर्दामा नयाँ प्रेमकथा पस्कनेछ।
