त्रिकोणात्मक प्रेमकथा बोकेको ‘साईनो’ सिनेमाको ट्रेलर सार्वजनिक भएको छ ।
ट्रेलरमा २ नायिका तथा १ नायिकाबीचको त्रिकोणात्मक प्रेमकथा देखाइएको छ। सिनेमामा नीता ढुंगाना, मीरुना मगर र राज कुमारको प्रमूख अभिनय रहेको छ।
सिनेमालाई नेपाली सिनेमाकी प्रथम नायिका वरिष्ठ अभिनेत्री भुवन चन्द थापाले निर्माण गरेकी हुन् ।
सिनेमा साउन २४ गते रिलिज हुनेछ। डेब्यू निर्देशक रमेश थापा निर्देशित सिनेमामा नीता, मिरुना र राजसँगै भुवन चन्द थापा, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई, शिखा मल्ल, बिशाल पहाडी, भिमसेन लामा, धर्मेन्द्र आचार्य, रामेश्वर बुर्लाकोटी, बसुकला मैनालीलगायतका कलाकारको अभिनय छ ।
अभिमन्यु निरवी लिखित सिनेमामा रामेश्वर कार्कीको छायाँकन, रामजी लामिछानेको कोरियोग्राफी, बनिश शाहको सम्पादन छ ।
