बहुचर्चित पुस्तक लालटिनको उज्यालोमा अब अन्तराष्ट्रिय सपिङ साईट अमेजनमा उपलब्ध भएको छ ।
सरस्वती ज्ञवालीले लेखेको 'लालटिनको उज्यालो' आइतबारदेखि अमेजनमा उपलब्ध हुने भएको हो । अमेजन डटकममा लालटिनको उज्यालो सर्च गर्दा पुस्तक सहज उपलब्ध हुने छ ।
हाललाई अमेरिकामा तत्काल डेलिभरी गर्न मिल्ने गरि राखिएको पुस्तकको मूल्य १६ डलर राखिएको छ ।
लेखक ज्ञवालीका अनुसार अमेरिका लगायत संसारका धेरै देशका पाठक तथा शुभचिन्तकहरुले एमाजोनमा भए पुस्तक पाउन सहज हुने सल्लाह दिएकोले आफुहरुले एमाजोनमा राखेको बताइन् ।
एउटा नारीको संघर्ष र राजनीतिक चेतना लगायतका बिषयमा पुस्तक केन्द्रित छ । परराष्ट्र मन्त्री प्रदिप ज्ञवालीकी धर्मपत्नी समेत रहेकी लेखक ज्ञवालीको पुस्तक गतसालको बहुचर्चित पुस्तक हो ।
