साउन २४ गतेको रिलिज मिति नजिकिदैं गर्दा त्रिकोणात्मक प्रेमकथामा आधारित सिनेमा ‘साईनो’ले आफ्नो नयाँ गीत रिलिज गरेको छ।
सिनेमामा समाविष्ट 'क्या बात छ' बोलको आइटम गीत मंगलबार रिलिज गरिएको छ। गीतमा अभिनेत्री नीता ढुंगाना, राज कुमार र राजा राजेन्द्रलाई फिचर्ड छन् ।
‘क्या बात छ’ बोलको गीतमा किरण भुषालको संगीत, उदय राज पौडेलको एरेञ्ज र मिना निरौलाको स्वर छ । रामजी लामिछानेले गीतको कोरियोग्राफी गरेका हुन्।
सिनेमामा नीता, मिरुना र राजसँगै भुवन चन्द थापा, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई, शिखा मल्ल, बिशाल पहाडी, भिमसेन लामा, धर्मेन्द्र आचार्य, रामेश्वर बुर्लाकोटी, बसुकला मैनालीलगायतका कलाकारको अभिनय छ ।
सिनेमालाई वरिष्ठ अभिनेत्री भुवन चन्द थापाले निर्माण गरेकी हुन् । अभिमन्यु निरवी लिखित सिनेमाको कार्यकारी निर्माता शरण थापा हुन् । सिनेमालाई डेब्यू निर्देशक रमेश थापाले निर्देशन गरेका हुन्।
