नम्रता श्रेष्ठको शीर्ष भूमिका रहेको ‘जाइरा’को आइटम गीत रिलिज भएको छ । गीत शुक्रबार रिलिज गरिएको हो।
सिनेमामा समाविष्ट ‘यो मात चढेको साँझ’ बोलको गीत पुरानो नेपाली सिनेमा 'मनको बाँध'को नयाँ रिमेक हो। यस गीतलाई नेपाली सिनेमाको पहिलो आइटम तथा क्याब्रे गीत मानिन्छ। यस गीतलाई वरिष्ठ गीतकार किरण खरेलले लेखेका हुन्।
सो गीतकी वास्तविक गायिका मिरा राणा हुन भने संगीतकार शिव शंकर हुन्।
रिमेक गीतलाई डिजे राजुले तयार गरेका हुन्। गीतमा मिना निरौलाको स्वर रहेको छ। यस गीतमा सिनेमाका मुख्य कलाकार प्रमोद अग्रहरी, सिर्जना रेग्मी र तनुजा गुरुङलाई फिचर्ड गरिएको छ । गीतको कोरियोग्राफी गोविन्द राईले गरेका हुन्।
गीतलाई बाबु श्रेष्ठले खिचेका हुन्।
‘जाइरा’मा नम्रताले मिक्स मार्शल आर्ट खेलाडी (एम.एम.ए) को भूमिका निर्वाह गरिेकी छन् । भदौ ६ गतेदेखि रिलिज हुने सिनेमामा अनुपबिक्रम शाही, प्रमोद अग्रहरी, रेमनदास श्रेष्ठ, र नवकलाकार सृजना रेग्मी, सुजता श्रेष्ठ र सम्राट मगरको पनि अभिनय छ ।
सिनेमाका निर्देशक आशुरोष राज श्रेष्ठ हुन्।
