अभिनेत्री नीता ढुङ्गानाले समुन्द्र भट्टले निर्देशनमा 'माया' सिनेमा निर्माण गर्ने घोषणा गरेकी छन्।
नीताले यसअघि अर्के एक नाममा सिनेमा बनाउने घोषणालाई थाती राख्दै नयाँ सिनेमाको घोषणा गरेकी हुन्।
सिनेमाको मुख्य अभिनेत्रीमा नीताले अभिनेतामा कोशिश क्षेत्रीसँग जोडी बाँध्नेछिन्।
सिनेमाको कथा कोशिस आफैले लेखेका हुन्। उनले स्क्रिनप्ले र संवाद भने निर्देशक भट्टसँग मिलेर लेख्नेछन्। त्यसैगरी सिनेमामा संगीत पनि कोशिशको नै रहनेछ ।
सिनेमालाई सिक्किम कालिङपोङ लगायतका ठाउँमा छायाँकन गरिने निर्देशक भट्टले बताइन् ।
सिनेमाले पछिल्लो पुस्ताका युवायुवतीहरुको जीवनशैलीलाई सिनेमाले बोल्नेछ । भदौ दोश्रो साताबाट फ्लोरमा जाने बताइएको सिनेमाका अन्य कलाकार र प्राविधिक लाइनअप पुरा हुन बाँकी छ ।
