‘लभ डायरीज’को सिनेमाको पहिलो गीत सार्वजनिक भएको छ। सोमबार राजधानीमा आयोजित एक कार्यक्रममा सिनेमाको ‘सुन्यौ कि सुनेनौ’ बोलको रोमान्टिक गीत रिलिज गरिएको हो ।
गीतमा सिनेमाका मुख्य कलाकार सुशील श्रेष्ठ र रुविना थापालाई देख्न सकिन्छ। अर्जुन पोखरेलको शब्द तथा संगीत रहेको गीतमा सुगम पोखरेल र स्वेच्छा ठकुरीको स्वर छ ।
मनाङका यसअघि नेपाली सिनेमामा नअटाएका नयाँ स्थलमा खिचिएको यस भिडियोलाई विक्रम लामा र एञ्जिला खत्रीले कोरियोग्राफी गरेका हुन् ।
सौरभ चौधरी सिनेमाका निर्देशक हुन्।
सिनेमामा विश्वजीत रिमाल, विशाल पहारी, विष्णु सापकोटा, अर्जुनजंग शाही लगायतका कलाकारको अभिनय रहेको छ ।
सिनेमाको कथा मधु बास्तोलाले लेखेका हुन् भने पटकथा तथा संवाद निर्देशक सौरभ चौधरी मधु बास्तोलाले मिलेर तयार पारेका हुन् ।
सिनेमा असोज ३ गते रिलिज हुनेछ।
