दयाहाङ राई, कर्मा शाक्य र उपासना सिंह ठकुरी स्टारर सिनेमा ‘कबड्डी कबड्डी कबड्डी’ को पूर्व निर्धारित भदौ १३ को प्रदर्शन मिति सरेको छ ।
सिनेमा असोज ३ गते रिलिज हुनेछ। हेमराज विसी निर्देशित सिनेमा ’घामड शेरे’ले असोज ३ गतेको प्रदर्शन मिति परिवर्तन गरेसँगै ‘कबड्डी कबड्डी कबड्डी’ मितिमा पुगेको हो ।
प्राविधिक कारणले सिनेमाको प्रदर्शन मिति सारिएको निर्माण टिमले जनाएको छ ।
‘कबड्डी कबड्डी कबड्डी’ को रिलिज डेट सो मितिबाट सरेपनि भाद्र १३ गते नै रिलिज हुने भनिएको नवल नेपाल निर्देशित तथा अभिनेत्री साम्राज्ञी आरएल शाह र अभिनेता पुष्प खड्का स्टारर सिनेमा ’मारुनी’ले आफ्नो रिलिज मिति सारेको छैन् ।
रामबाबु गुरूङ निर्देशित सिनेमामा रिश्मा गुरुङ, माओत्से गुरुङ, पुष्कर गुरुङ, कविता आले, विल्सन बिक्रम राई, बुद्दि तामाङ, लुनिभा तुलाधर, विजय बराल, कमलमणि नेपाल, अरुणा कार्की पोखरेल, राजन खतिवडा, मणि के राई, डि.बि गुरुङ, राजेन्द्र थापालगायतका कलाकारको अभिनय छ ।
