‘षट्कोण’ सिनेमा निर्माण हुनेभएको छ । मनोबैज्ञानिक रहस्यमा आधारित हुने सिनेमामा कर्मा शाक्य, भोलाराज सापकोटा, लोकेन्द्र लेखक विराज कडरिया र शिशिर बनेमको मूख्य अभिनय रहनेछ।
आइतबार निर्माण घोषणा गरिएको सिनेमालाई मिलन डी काप्रीले निर्देशन गर्नेछन्।
भदौ १८ देखि सिनेमा छायाँकनमा जानेछ । काठमाडौँ र भीमफेदीमा खिचिने सिनेमाको लागि हाल महिला कलाकारको खोजी भैरहेको छ ।
क्लेमेन्टाइन प्रोडक्सन प्रालिको निर्माण रहने सिनेमामा शिशिर बनेमको कथा/पटकथा र महेश दवाडीको संवाद रहनेछ ।
सुरज आचार्य प्रोडक्सन हेड रहेको सिनेमामा आङछेन लामाको छायाँकन, विशेष पाण्डेको ध्वनि संयोजन र मनोजको निर्माण नियन्त्रण रहनेछ ।
