अभिनेत्री नम्रता श्रेष्ठ स्टारर एक्सन सिनेमा ’जाइरा’को ट्रेलर सार्वजनिक भएको छ ।
बुधबार राजधानीमा आयोजित एक कार्यक्रमका विच सिनेमाको ट्रेलर रिलिज गरिएको हो । २ मिनेट २ सेकेण्ड लामो ट्रेलरमा अभिनेत्री नम्रता श्रेष्ठलाई प्रेमिका तथा एक्सन अवतारमा प्रस्तुत गरिएको छ ।
‘जाइरा’मा नम्रताले मिक्स मार्शल आर्ट एक्सन देखाउनेछिन् । डेब्यू निर्देशक आशुतोष राज श्रेष्ठले सिनेमा मिक्स मार्शल आर्ट केन्द्रित भएपनि सिनेमाले बदला कथा पेस गर्ने बताए ।
भदौ ६ गतेदेखि रिलिज हुने सिनेमामा अनुपबिक्रम शाही, प्रमोद अग्रहरी, रेमनदास श्रेष्ठ, र नवकलाकार सृजना रेग्मी, सुजता श्रेष्ठ र सम्राट मगरको अभिनय छ ।
कटामरी फिल्मसको सहकार्यमा नम्रता श्रेष्ठ प्रोडक्सन र ट्रेन्डसेटर्स प्रालिको व्यानरमा निर्मित सिनेमाको कार्यकारी निर्माता प्रशन्न गोपाली हुन् । सिनेमामा निर्देशक श्रेष्ठ र निरोज महर्जनको पटकथा छ । सिनेमामा प्रनिता श्रेष्ठ र कारा श्रेष्ठको पनि लगानी रहेको छ ।
कल्याण सिंह, डिजे राजु र टम्ब्लीविडले संगीत भरेको सिनेमामा सम्राट बस्नेतको द्वन्द, राउल मोक्तान र मेघराज चेम्जोङको एक्सन कोरियोग्राफी छ।
बाबु श्रेष्ठले खिचेको सिनेमाका सम्पादक लोकेश बज्राचार्य हुन् ।
