‘रातो टिका निधारमा’को पहिलो गीत सार्वजनिक भएको छ । सिनेमाको ‘मेरो माया के हो’ बोलको रोमान्टिक गीत बिहिबार राजधानीमा एक कार्यक्रमकाबीच सार्वजनिक गरिएको हो।
सार्वजनिक गीतमा डेब्यू अभिनेता अंकित शर्मासँग अभिनेत्री साम्राज्ञी राज्यलक्ष्मी शाहले रोमान्स गरेकी छन्। अंकित अभिनेता, निर्माता तथा निर्देशक अशोक शर्माका छोरा हुन्। सिनेमाको निर्देशक पनि शर्मा नै हुन्।
यस गीतमा निशान भट्टराई र अश्मिता अधिकारीको युगल स्वर रहेको छ। गीतमा रवि मल्लको शब्द र कल्याण सिंहको संगीत छ ।
अशोक शर्मा निर्देशित सिनेमा आगामी दशैँमा रिलिज हुँदैछ ।
किरण शर्मा र कृति शर्माले निर्माण गरेको सिनेमामा साम्राज्ञी र अंकितसँगै नीता ढुंगाना, बुद्दि तामाङ, रविन्द्र झा, शिवहरि पौडेल, खुस्बु खड्का, लक्ष्मी गिरी, अरुणा कार्की, बसुन्धरा भुसाल, जयनन्द लामा, राजराम पौडेल, कमला रेग्मीलगायतका कलाकारको अभिनय छ ।
