अभिनेता दयाहाङ राई तथा दीया पुन स्टारर 'दयारानी'ले आफ्नो नयाँ रिलिज मिति तोकेको छ। सिनेमा फागुन ९ मा रिलिज हुने भएको छ। सिनेमाको रिलिज मिति यसरी सरेको यो दोश्रोपटक हो।
त्यसअघि सिनेमा जेठ १० मा रिलिज हुने बताइएको थियो। जेठ १० को मितिमा रिलिज नहुने भएपछि सिनेमा साउन ३० मा रिलिज हुने बताइएको भएपनि निर्माण पक्षले हाल आएर नयाँ पोस्टर रिलिज गर्दै फागुन ९ लाई आफ्नो रिलिज मिति तोकेको हो।
मोओत्से गुरुङको डेब्यू निर्देशन ‘दयारानी’ले गुरुङ समुदायको दयालु युवतीको कथा प्रस्तुत गर्नेछ । सिनेमामा दया र दीयासँगै विजय बराल, प्रमिसा गुरुङ, पुस्कर गुरुङ टीकाराम घले लगायतको कलाकारको अभिनय रहने छ ।
‘दयारानी’ लाई निर्देशक गुरुङले नै लेखेका छन् । रामबाबु गुरुङ र अपिल विष्ट सिनेमाका कार्यकारी निर्माता हुन् ।
