‘रातो टिका निधारमा’ले असोज १० लाई आफ्नो आधिकारिक रिलिज मिति घोषणा गरेको छ।
सिनेमामा साम्राज्ञी राज्यलक्ष्मी शाह र अंकित शर्माको मूख्य भूमिका रहेको छ।अंकित निर्देशक शर्माका छोरा हुन्। यसै सिनेमाबाट उनले डेब्यू गर्दैछन्।
गत वर्ष रिलिज भएको ‘जय भोले’को अन्त्यमा नै ‘रातो टिका निधारमा’ दशैँ उपहार स्वरुप घोषणा गरिएको थियो । निर्देशक शर्माले यसपटक दशैँ ‘रातो टिका निधारमा’ विशेष हुने दाबी गरे ।
‘रातो टिका निधारमा’मा साम्राज्ञी र अंकितसँगै नीता ढुंगाना, बुद्दि तामाङ, रविन्द्र झा, शिवहरि पौडेल, खुस्बु खड्का, लक्ष्मी गिरी, अरुणा कार्की, बसुन्धरा भुसाल, जयनन्द लामा, राजराम पौडेल, कमला रेग्मीलगायतका कलाकारको अभिनय छ । अंकितको यो डेब्यु सिनेमा हो ।
निर्माण पक्षले साम्राज्ञी र अंकित फिचरिङ एक रोमान्टिक गीत पनि सार्वजनिक गरिसकेको छ ।
