आर्यनको आउँदो फिल्म ‘च च हुई’ को पोस्टर सार्वजनिक भएको छ । सिनेमाले आफ्ना दुई पोस्टर सार्वजनिक गरेको हो।
पोस्टरमा उनको साथमा को-स्टार मिरुना मगर र भोलाराज सापकोटा फिचर्ड भएका छन् ।
सार्वजनिक पोस्टरमा आर्यनले मिरुनालाई पाउन खोजेका छन् भने उनलाई भोलाले सम्हाली रहेकाछन् । अर्को पोस्टरमा माओत्से गुरुङ सहित यही चियाई रहेको देख्न सकिन्छ ।
सिनेमा मंसिर ६ गते रिलिज हुनेछ।
सिनेमालाई साम्तेन भुटियाले निर्देशन तथा सम्पादन गरेका हुन् भने यसमा सुशन प्रजापतिको छायाँकन रहेको छ ।
'सिनेमामा मलाई रोमान्टिक अन्दाजमा पाउनु हुनेछ । रम-कम फिल्मलाई सक्दो राम्रो बनाउने प्रयाश गरेका छौ । फिल्मको बारेमा अझै आउने गीतसंगीत र ट्रेलरले प्रस्ट्याउने नै छ', आर्यनले भने, 'तर , दर्शकले इञ्जोय गर्ने फिल्म बनाउने कोसिस गरेका छौ । विना सम्झौता तयार गरिएको फिल्ममा मलाइ विदेशबाट देश राष्ट्रियता सम्झेर देश फर्किने युवाको क्यारेक्टरमा देख्न पाउनु हुनेछ ।'
‘च च हुई’ को पटकथा सिजन दाहाल र सन्देश अर्यालले लेखेका हुन् । फिल्मका गीतमा राजनराज शिवाकोटी , सुरज शाही ठकुरी र रोशन थापाको संगीत छ ।
यस्तै निर्देशक भुटियाले 'च च हुई'लाई व्यवसायिक सिनेमा भएको बताए।
'मैले निर्देशन गरेको पछिल्लो फिल्मको तुलनामा टोटल यो फरक छ । आर्यनलाई हामीले उनलाई सुहाउने क्यारेक्टरमा प्रस्तुत गरेका छौ । दर्शकले आर्यनको रोमान्टिक र कमेडी अवतारमा दर्शकले देख्न हुनेछ', उनले भने।
