युरोपमा छायाँकन गर्न पुगेको ‘लप्पन छप्पन २’ छायाँकन नै नगरी नेपाल फर्किएको छ।
छायाँकन अनुमति र खिच्ने क्यामरा नहुँदा बेल्जियम पुगेको टोली त्यतिकै फर्किनुपरेको हो।
सिनेमाको छायांकनको लागि अभिनेता दयाहाङ राई, सौगात मल्ल, अर्पण थापा, अनुपबिक्रम शाही सहित १७ जनाको टिम युरोप पुगेका थिए ।
उनीहरू शनिबार नेपाल फर्किएका हुन्।
युरोप र अस्ट्रेलियामा सुटिङ गर्ने बताइएको टोली पहिला युरोपमा सिनेमाको छायांकन गरेर अष्ट्रेलिया जाने योजनाका साथ बेल्जियम पुगेको थियो ।
सिनेमाका निर्देशक मुकुन्द भट्टले छायाँकनको व्यवस्था नमिलाई युरोप उडेको आरोप टिमका सदस्यले लगाए ।
निर्माण टिमले युरोपमा सिनेमाको छायाँकन स्थगित भएपछि अष्ट्रेलियामा छायाँकन गरेर मात्रै युरोप जाने योजना बनाएका बताइन्छ।
