हास्यकलाकार शिवहरी पौडेलको निर्देशकिय डेब्यू ‘लक्का जवान’ को सोमबार शुभ मुहूर्त गरिएको छ ।
सिनेमाको सोमबार ललितपुरको बंगलामुखी मन्दिरमा सिनेमाको स्क्रिप्ट, क्यामेरा र क्ल्याप पूजा गर्दै शुभ मूहूर्त गरिएको हो। बुधबारबाट सिनेमा छायांकनमा जाँदैछ।
सिनेमामा किरण केसी, दीलिप रायमाझी, प्रियंका कार्की, वर्षा सिवाकोटी, सलोन बस्नेत, राजाराम पौडेल, सुरेन्द्र केसी, सरोज खनाल आदिको अभिनय रहनेछ । सिनेमामा निर्देशक पौडेल स्वयंको मुख्य भूमिका रहेको छ ।
चैत ७ गतेलाई प्रदर्शन मिति तय गरिएको सिनेमाको ७० प्रतिशत काभ्रेमा र ३० प्रतिशत काठमाडौंमा छायाँकन गरिनेछ ।
