सुशिल श्रेष्ठ स्टारर ‘बादशाह जुट’ सिनेमाले पोस्टर सार्वजनिक गर्दै नयाँ रिलिज मितिको घोषणा गरेको छ। घोषणा अनुसार सिनेमा कार्तिक १ गते रिलिज हुनेछ ।
गत वर्ष पुष १३ गते नै रिलिज हुने भनिएको सिनेमा विभिन्न कारणबस स्थगित भएको थियो ।
‘प्राविधिक काम सबै सकिएको छ । रिलिजको लागि तयार छौँ । कार्तिक १ को डेटमा आउन हामीलाई कुनै बाधा-अड्चनले रोक्दैन’, निर्देशक जोनी सिंह राणाले भने ।
सार्वजनिक पोस्टरमा शुशिल श्रेष्ठ र रोबिन तामाङ फिचरिङ छन् ।
निर्देशक राणाकै कथा रहेको सिनेमामा, आमिर गौतम, रोषी खड्का, केइषा रावत, रश्मि पाण्डे, दीपक क्षेत्री र कमलमणि नेपालको पनि अभिनय छ ।
