‘च च हुई’को पहिलो गीत रिलिज भएको छ । सिनेमा मंसीर ६ गते रिलिज हुनेछ।
सिनेमाको राजनराज सिवाकोटीद्वारा संगीतवद्द ‘सिल्की सिल्की’ बोलको गीतमा कलाकार आर्यन सिग्देल, मिरुना मगर र भोलाराज सापकोटाले नाचेका छन् ।
गीतमा शिशिर खातीको कोरियोग्राफी रहेको छ।
अमृत घोले लामा (एजिएल), राजनराज र श्याम लामिछानेले लेखेको गीतमा संगीतकार सिवाकोटी र मेलिना राईको स्वर छ ।
साम्तेन भुटिया निर्देशित सिनेमामा आर्यन, मिरूना तथा भोलाका अलावा माओत्से गुरुङ, पुस्कर गुरुङ, बबिता मल्ललगायतका कलाकारको अभिनय छ ।
