'पासवर्ड' सिनेमाको ट्रेलर रिलिज भएको छ। भदौ २७ गते रिलिज हुने सिनेमाको ट्रेलरले सिनेमा एक्सनप्रधान रहेको देखाएको छ।
सम्राट बस्नेत निर्देशित सिनेमामा अनुपविक्रम शाही, विक्रम जोशी, सन्नी लियोनी, बुद्दि तामाङ, रविन्द्र झा, प्रविण खतिवडा, धिरेन शाक्य, लिजा सुनार, परि राना, छुल्ठिम गुरुङ, एभरेस्ट सुर्य बोहरालगायतका कलाकारको अभिनय छ ।
‘पासवर्ड’मा बलिउड अभिनेत्री सन्नी लियोनीले एक गीतमा नाचेकी छन्।
एबी इन्टरनेशनलको व्यानरमा निर्मित सिनेमामा अर्जुन पोखरेलको संगीत, सम्राट बस्नेतकै एक्सन, अमरजीत सिंहको छायाँकन र सौरभ लामाको डिओपी छ । निर्देशक बस्नेत र महेश दवाडीको पटकथा रहेको सिनेमाको कथा सिमा गुरुङले लेखेकी हुन् ।
