अभिनेता भुवन केसीको दोहोरो भुमिकामा अभिनय गरेको ‘मिस्टर नेपाली’ सिनेमाको पहिलो गीत र फस्टलुक पोस्टर सार्वजनिक भएको छ ।
घोषणा अनुसार सिनेमा कात्तिक २९ गते हुनेछ।
सिनेमाको रिलिज भएको ‘नाँचौ छम्म छम्म’ बोलको गीतमा सिनेमाका मुख्य कलाकार भुवन केसी, रिमा विश्वकर्मा, डेव्यु कलाकार कुशुम राउत, शाहिल श्रेष्ठ, गायक मिलन लामा र गायिका रिता केसीलाई नाचेका छन् ।
सुवास भुषालको संगीत, निर्देशक देव भुषालको शब्द रचना तथा मिलन लामा र रिता केसीको स्वर छ । गीतका कोरियोग्राफर कविराज गहतराज हुन्।
देव भुषालले निर्देशन गरेको यस सिनेमाबाट भूवन पुनः आठ वर्षपछि सिनेमाको पर्दामा फर्किएका छन्।
८ वर्षपछि फर्किएका भुवनले 'मिस्टर नेपाली'को भुमिका निकै च्यालेन्जिङ रहेको बताए।
सिनेमामा भुवन केसी, रिमा विश्वकर्मा, डेव्यु कलाकार कुशुम राउत, शाहिल श्रेष्ठका अलवा सरोज खनाल, विष्णु सापकोटा, नन्दु श्रीवास्तव, कमलमणी नेपाल, रवी डंगोल, सुरेन्द्र केसी लगायतका कलाकारको अभिनय रहेको छ ।
.jpg)
