दिपेन्द्र लामा निर्देशित 'छ माया छपक्कै'ले आफ्नो पहिलो गीत रिलिज गर्दै प्रदर्शन मिति तोकेको छ।
शुक्रबार सिनेमा समाविष्ट 'जुनको जुनेली' बोलको गीत रिलिज गर्दै प्रदर्शन मिति घोषणा भएको हो।
यसअघि दशैंमा रिलिज हुने भनिएको सिनेमा असोज २४ मा रिलिज हुने भएको छ।
सिनेमाको रिलिज भएको 'जुनको जुनेली'मा वसन्त थापाले संगीत दिएका छन्। राजेन्द्र थापा रचित गीतमा वसन्त थाथा तथा मीना निरौलाको युगल स्वर रहेको छ।
गीतमा केकी अधिकारी, दीपकराज गिरी, जितु नेपाल, केदार घिमिरे, बुद्दि तामाङ, सुपुष्पा भट्ट, रजनी गुरुङलगायतका कलाकार फिचरिङ छन् ।
गीतका कोरियोग्राफर कविराज गहतराज हुन्।
सिनेमामा दीपकराज गिरीको पटकथा र अभिमन्यु निरबी, केदार घिमिरे, जितु नेपालसहितको संवाद छ ।
