‘पोई पर्यो काले’को शीर्ष गीत सार्वजनिक गरिएको छ ।
आइतबार राजधानीमा आयोजित एक कार्यक्रमका विच सार्वजनिक गरिएको गीतको भिडियोमा सौगात मल्ल र पूजा शर्मा जोडीको रुपमा प्रस्तुत छन् भने आकाश श्रेष्ठको जोडी श्रृष्टि श्रेष्ठसँग बाँधिएको छ ।
अर्जुन पोखरेलको संगीत तथा नृपेश उप्रेतीको शब्द रचना रहेको गीतमा रामचन्द्र काफ्ले र अञ्जु पन्तको स्वर छ । रामजी लामिछानेको कोरियोग्राफी रहेको गीतलाई शिव ढकालले छायाँकन गरेका हुन् ।
शिशिर राणाको निर्देशनमा निर्माण भएको सिनेमा आगामी कार्तिक ८ गते तिहारमा रिलिज हुनेछ । सिनेमाले कालो वर्ण भए पनि मन गोरो भएको एक पात्रको कथा भन्ने निर्माण टिमको भनाई छ ।
‘पोई पर्यो काले’मा किरण नेपाली, सृष्टि खड्का, शिशिर राणा, बिन्दा खतिवडा, श्याम राई, गोपाल ढकाल (छन्दे), राजेन्द्र नेपाली (लट्टे)को पनि अभिनय रहेको छ ।
