असोज १७ गते रिलिज हुने ‘काले दाई’ सिनेमाको नयाँ गीत रिलिज भएको छ ।
सोमबार राजधानीमा आयोजित एक कार्यक्रमका बीच सिनेमाको गीत सार्वजनिक गरिएको हो ।
‘यो दुनियाँ मेरो लागि’ बोलको गीतमा मुख्य कलाकार इन्द्र रामजाली र अनु पराजुलीको पिडा दर्शाइएको छ ।
पवनवाङ लामाको संगीत रहेको गीतमा सुरज थापाको स्वर छ । नेपाल आइडलका प्रतिस्पर्धी सुरज सिनेमामा गाएको यो पहिलो गीत हो । गीतमा इन्द्र र गोविन्द श्रेष्ठको शब्द छ ।
सिनेमामा ‘काले दाई’मा इन्द्र रामजाली, शिशिर भण्डारी, अनु पराजुली, सुरेन्द्र केसी, शारदा गिरी, उत्तम केसी, विष्णु सापकोटा, गीता अधिकारी, गोबिन्द श्रेष्ठ लगायतका कलाकारहरुको अभिनय छ ।
शिव शर्मा निर्दे्शित सिनेमाको मूलकथा एक कालो वर्णको युवकको जीवनमा आउने उचार-चढावमा केन्द्रित रहेको निर्माण टिमको भनाई छ ।
