अनुप ओझाले आफ्नो स्वर, शब्द र संगीतमा दोस्रो गीत ‘संसारै बैमानी’ रिलिज गरेका छन् ।
गत वर्ष उनले 'वारिको डाँडामा म' बोलको गीत रिलिज गरेका थिए।
‘संसारै बैमानी’ मा उनले दशक लामो द्वन्द्व र संक्रमणबाट गुज्रिएको नेपाली समाज, अवसरको खोजीमा विदेशिने तन्नेरी र बैमानीको पासोमा परेर बदलिन बाध्य भएको तन्नेरीको परिवर्तन समेटिएको छ ।
गीतको भिडियोमा विजय बराल, प्रकाश गन्धर्व, प्रकास दाहाल, भावना थापा आदिको अभिनय रहेको छ।
प्रदिप लामाको कोरियोग्राफी रहेको गीतको भिडियोलाई सफल केसी र प्रतिक गुरूङले निर्देशन गरेका हुन्।
