निर्देशक साम्तेन भुटियाको निर्देशनमा अनमोल केसीले ‘धुपौरे’ सिनेमा गर्ने भएका छन्।
मंगलबार सिनेमाको शीर्षक सार्वजनिक गर्दै निर्माण पक्षले सिनेमा डार्क एक्सन-लभस्टोरी जनरामा निर्माण हुने जनाएको छ।
सार्वजनिक पोस्टरमा सिनेमाको पोस्टरमा जुवा-पैसाको चलखेल देखाइएको छ ।
सिनेमालाई जयन श्रेष्ठ र रुपेन्द्र खड्गीले निर्माण गर्नेछन्। सिनेमाको छायाँकन मंसिरबाट सुरु हुनेछ ।
यसअघि अनमोलले होमप्रोडक्सनमा बन्ने 'एन्टी हिरो' गर्ने खबर सार्वजनिक भएको थियो। अब उनले सो सिनेमा ‘धुपौरे’ पछि मात्र गर्ने भएका छन्।
यस्तै साम्तेनको निर्देशन रहेको कमेडी सिनेमा ‘च च हुई’ आगामी मंसीर ६ गते रिलिज हुँदैछ । उक्त सिनेमामा आर्यन सिग्देल र मीरुना मगरको मुख्य भूमिका रहेको छ।
